.аНТИ vs ТВ

зошто одбив да гостувам на телевизија - страв ми е од камери и нејќам да го надминам - моето прво гостување на ТВ Сител во 1998 година - пред камера не сум тоа што сакам да бидам - телевизијата не е единствената јавност што постои


МОЧНА ТВ Ај сеа да покакам малку нешто против камерите. Добив покана да бидам во емисијата „Ние“ од Драган Антоновски, ама без размислување ја одбив. Да беше весник со задоволство ќе им дадев изјава. Зошто? Зошто ми е страв од камери. И точка. Кога зборам пред камера не можам да го кажам тоа што го мислам, а и тоа што ќе го кажам нема да го кажам така како што мислам дека треба да го кажам. Викаат имало начин тоа да се надмине, ама ја не сакам тоа да го надминам. Ц, ич нејќам. Сакам невин да останам.

Телевизијата е најмоќем медиум - тачно, ептен тачно. Ама видете сеа - ја немам намера да си го сменам карактерот поради тој факт. Не можам и нема да трошам енергија за тоа. Не сакам да бидам телевизиска ѕвезда. Нејќам ни да ме снимаат, ни во анкети.

ПРЕД КАМЕРИ Сум бил во емисии релативно често. Моето прво појавување пред камера беше во емисија за културата на Сител, далечната 1998 година. Гостував во живо, водителката мислам дека се викаше Анета, а зборував за мојата прва книга „Физиката на грозјето“ за која ја добив наградата за најдобра дебитантска збирка за таа година. Супер помина, викаат дека било ок, дома ме снимиле на ВХС. Се гледав и мислам дека беше ок. И после тоа сум бил едно десетина пати у десетин емисии гостин и беше ок.

ЈА МАЈКАТА Што е причината што не сакам да го надминам стравот од камери? Финтата е што не сакам да бидам тоа што не сум, да бидам помалку од тоа што сум и што знам дека можам да бидам. Пишав за тоа во постот за различноста, дека треба да се биде тоа што си, да се биде тоа што ти е ќеф да бидеш.
Еден од тие што ме тераа да одам, ми вика ако не одиш немаш право да ми кажеш ништо за темата, нејќам више да дискутираме за тоа, пошто не си легитимен. Ја мајката - ако нејќам своите ставови за новинарстовот да ги кажам во емисијата на Драган значи не смеам никаде на друго место. Ц, ич не е така. Не е телевизијата единствената јавност, ниту емисијата на Драган.