Македонскиот Б-комплекс

Мојот „Бугарски пост“ предизвика голема реакција во нет јавноста (дури и во бугарската), а Вуната пак по обичај ми украде нешто :)
Се чувствувам повикан да дообјаснам неколку работи. Тој пост беше за остатоците од српската пропаганда во Македонија, овој сега е за она на што се фокусираше дебатата во коментарите: за националнато-етничката повраност на Македонците и Бугарите.

Синтагмата „македонски Б-комплекс“ за првпат ја сретнав во еден текст на Младен Србиновски. Тогаш имав „ортодоксно“ гледање на ова прашање (значи стоев дотогаш на она што го учев во школо), иако, уште кога бев средно, постоеја кај мене некои размисли кои произлегоа од неколку факти:

• македонскиот и бугарскиот јазик се најблиските јазици од сите јужнословенски (сетете се ко пример немаме падежи)
• постарите форми на македонскиот јазик се многу поблиски до бугарскиот отколку до кој и да е друг јазик (лаички споредете го на пример јазикот во „За македонцките работи“ од Мисирков)
  
• големиот број македонски историски личности кои себеси се нарекувале Бугари (да не ги набројувам сме ги учеле во школо)
  

Прочитувањето на текстот на Младен Србиновски ми даде храброст малку подлабоко да размислам на оваа тема и, за да си немам прашалници, си ги дадов овие неколку одговори:

• независно од тоа каква историја сме имале (која е вистинската верзија на историјата? нашата или бугарската?) денес постои македонска нација и македонска национална свест која е различна од бугарската
  
• македонската културна традиција е поблиска до бугарската, отколку до другите на Балканот - денес веќе не е така (барем не во Република Македонија)
  
• историските личности кои себеси се нарекувале Бугари (а ние учиме дека биле во заблуда) биле интелигентни, добро информирани, политички или уметнички активни, возрасни луѓе кои тоа произнесување го направиле при здрав разум и чиста свест. Многумина од нив работеле на националното будење кај народот во Македонија - кој е во заблуда? Ние или тие? Никој никому нема право да му се меша во националната определба или да му суди за тоа
  
• името Македонија е многу постаро од доаѓањето на Словените на Балканот - така што можно е да е точна тезата дека на почетокот населението што живеело овде се нарекувало Македонци според топонимот, а не како национална определба
• тезата „Македонците потекнуваат од Бугарите“ не може да биде сосема точна затоа што на овие простори отсекогаш постоеле инетелектуалци кои ја застапувале идејата „Македонците како посебен народ“ (значи постоела свест за одвоеност)
• односите Македонци - Бугари денес јас би ги споредил со односите Германци - Австријци (иако не ја знам баш историјата): поблиски се меѓу себе од другите германски племиња, ама се посебни национални идентитети

На крај би ви препорачал све ова горе што го напишав да го фрлите во корпа зашто е бескорисно - националните идентитети, национализмот, етно-свеста, геноинтелигенцијата - тоа се средновековни идиотштини. Националната свест се појавила од потребата за манипулација на властодршците: најпрвин феудалците кон своите селани, потоа монарсите со своите поданици.
Иднината ја глеам како свет без нации - врпочем една од позитивните страни на глобализацијата е релативизацијата на националните идентитети. Еден свет - една нација, еден свет - еден јазик... СМРТ ЗА ТРАДИЦИИТЕ!!!

тагчиња: бугарски македонски национална свест .аНТИ .аНТИблог macedonian