Иднината не дошла, ама тука е некаде

Еве една футуристичка визија за развојот на медиумите (кликај таму да го видиш филмчето). Како и сите футуристички обиди и таа нема да се оствари. Иднината не може да се предвиди ниту да се претпостави. Дури и да се поклопи историјата со футуристичката сторија, тоа нема да биде иста приказна - значи под дифолт си згрешил.

Во секој случај, ако јас се прашувам, она што е претпоставено во филмчево, нема да се оствари во иднина. Зошто? Затоа што веќе е реалност. Авторите малку се заебале. Речиси сите услуги што се кажани во филмот, се или реалност, или ќе бидат многу скоро.
Сега, прашањето за тоа што малку биле песимисти и што претпоставиле несметана доминација на Гугл. Мислам дека и тука згрешиле. Не излегува секогаш се онака како што може да се претпостави. Има многу непредвидени фактори, нови технологии кои авторите не ги претпоставиле и така натаму. Го заборавиле потенцијалот на мобилниот пазар, ги заборавиле евентуалниот развој на холграмската технологија, технологијата за тродимензионална телевизија, не ја претпоставиле фузијата на електронските изданија и печатот („печатење“ на фолии), развојот на енциклопедиите како Википедија и уште многу други технологии кои се во развој и потенцијални нарушувачи на глаткиот тек на работите како што авторите го предвиделе. Ако се земе се предвид, оваа визија може дури да се нарече и сиромашна. Енивеј, интересно за гледање.

(Калина, фала за линкот)

(ако некој друг сака нешто да се пишува на блогов, слободно нека клика горе во предложи тема)